Færslur: 2014 Mars

19.03.2014 22:45

Strandagangan 2014

Strandagangan 2014

Starfsmenn:

Göngustjóri:  Þorsteinn Sigfússon

Brautarstjóri:  Kristján Hólm Tryggvason

Brautarlagning: Kristján Hólm  Tryggvason

Hönnun brautar: Ragnar Bragason

Brautarverðir:  Úlfar Örn Hjartarson, Pétur Matthísson, Sigurður Árni Vilhjálmsson og Halldór Logi Friðgeirsson

Ræsir:  Þorsteinn Sigfússon

Tímaverðir:  Jón Stefánsson, Reynir Björnsson, Sigurlaug Stefánsdóttir, Steinar Þór Baldursson, Guðbrandur Ásgeir Sigurgeirsson

Ritari:  Bryndís Sveinsdóttir Hrefna Guðmundsdóttir og Dagbjört H. Torfadóttir

Djúsgjafar:  Lýður Jónsson, Theodór Þórólfsson

Skráning:  Aðalbjörg Óskarsdóttir

Tölvuvinnsla:  Aðalbjörg Óskarsdóttir og Kristján Hólm Tryggvason

Ljósmyndun:  Ingimundur Pálsson

Ljósmynd á auglýsingu fyrir Strandagönguna 2014:  Jón Halldórsson

 

Veitingar:

Þuríður Signý Friðriksdóttir, Sigríður Guðbjörg Jónsdóttir, Kristján Hólm Tryggvason, Aðalbjörg Óskarsdóttir, Guðbjörg Hauksdóttir, Rósmundur Númason, Marta Sigvaldadóttir, María Mjöll Guðmundsdóttir, Sólveig Jónsdóttir, Aðalheiður Ragnarsdóttir, Jóna Þórðardóttir, Ragnheiður Birna Guðmundsdóttir, Guðrún Smáradóttir, Bryndís Sveinsdóttir, Ragnhildur Elíasdóttir, Jóhanna Rósmundsdóttir, Salbjörg Engilbertsdóttir.

 

Braut:

Vegalengdir: 1 km, 5 km, 10 km og 20 km.

Startað á Brandsholti.  1 km brautin sneri rétt fyrir framan Brandsholt og kom til baka yfir Brandsholtið samhliða hinni brautinni fyrir neðan markið þaðan gengið út neðan við Syrpu og komið inn í brautina utan við holtið og þaðan gegnum hliðið, framhjá Syrpu og í markið.  10 km hringurinn var þannig:  Start á Brandsholti gengið sem leið liggur fram á tún á Geirmundarstöðum þar tekin lykkja upp í brekkuna og aftur niður með fjárhúsum og íbúðarhúsi, farið yfir veginn og niður á eyrarnar niður í Jónshólma, þaðan gengið fram hólma fram að Gilsstöðum í gegnum hliðið, meðfram Torfholti, farið fram með íbúðarhúsinu og upp rétt fyrir framan það, snúið við Gunnarslund og gengið til baka eins og leið liggur með hlíðinni yfir rafmagnsgirðinguna skammt ofan við hliðið að Gilsstöðum, þaðan rennsli niður á flóðin, gengið upp Sandhólalautina við Geirmundarstaði, yfir Sigurðargarð að Einbúa og snúið þar, rennsli niður að Sandhólaskarði, gengið yfir hólinn á heimatúninu og þaðan langt rennsli niður túnið, síðan gengið með fram hlíðinni, fyrir ofan Brandsholt, fram hjá Syrpu, upp Rósabrekku og út á Múlaengi, þar gengið með fram hlíðinni út á enda á Múlaengi og þar snúið við og gengið til baka niður í Kistu, snúið í króknum, þaðan yfir hólinn gengið neðan við Syrpu og í mark á Brandsholti.  Í 5 km vegalengdinni var snúið við á hólnum á heimatúninu.

 

Veður:

Fyrst hæg Suðaustlæg átt síðar Suðvestanhviður á stöku stað í brautinni, skýjað og væta öðru hvoru, hiti um frostmark við start en hlýnaði fljótlega eftir það í 4°c.

Færi: 

Nýr blautur snjór ofan á gömlum snjó, snjóaði töluvert um nóttina og morguninn fyrir gönguna.  Flestir gengu á sandpappír eða heitum bauk og a.m.k. 1 á Rossa special klístri með bauk yfir.  Mun verra rennsli á seinni hringnum hjá þeim sem gengu 20 km vegna bleytu í sporunum.

Keppendur:

Ræstir alls 76 keppendur, 74 luku keppni, yngsti keppandinn var 4 ára og sá elsti 81 árs.  Keppendur í 1 km voru 19 talsins, í 5 km voru 22, 10 gengu 10 km og 25 gengu 20 km vegalengdina.

Verðlaun:

Þrír fyrstu keppendur í hverjum flokki fengu bikar.  Allir keppendur í göngunni og starfsmenn fengu blátt buff merkt Strandagöngunni.  Í tilefni þess að Strandagangan var gengin í 20. skipti voru veitt heiðursverðlaun þeim sem hafa lokið 10 og 20 göngum.

Þeir sem hafa lokið 10 göngum og tóku þátt í Strandagöngunni 2014:

Stefán Snær Ragnarsson, Hjörtur Þór Þórsson, Þórhallur Ásmundsson, Bragi Guðbrandsson, Ingvar Pétursson, Magnús Eiríksson, Rósmundur Númason, Úlfar Örn Hjartarson, Vignir Örn Pálsson, Birkir Þór Stefánsson, Jón Vilhjálmur Sigurðsson, Magnús Steingrímsson og Marta Sigvaldadóttir.

20 göngur: Ragnar Bragason

 

Skíðafélag Strandamanna þakkar keppendum fyrir þátttökuna í gönguna, starfsmenn göngunnar og fólkið sem sá um kaffihlaðborðið fá bestu þakkir fyrir vel unnin störf.  Kaupfélag Steingrímsfjarðar fær kærar þakkir fyrir stuðning sinn við gönguna 20. árið í röð.  Skíðafélag Strandamanna þakkar þessum aðilum kærlega fyrir stuðninginn sem og öllum þeim sem komu að göngunni á einhvern hátt og gerðu framkvæmd hennar mögulega

19.03.2014 11:29

Birkir og Katrín fyrst í 20 km

Birkir Þór Stefánsson og Katrín Árnadóttir voru fyrst í mark í 20 km vegalengdinni í 20.  Strandagöngunni sl. laugardag.  Birkir hlaut því að launum Sigfúsarbikarinn til varðveislu næsta árið.  Birkir tók afgerandi forustu í göngunni þegar 2 km voru búnir af göngunni þrátt fyrir að þurfa að ganga fyrstur í spori sem snjóað hafði í rétt fyrir gönguna og hélt hann forustunni allan tímann og kom rúmum 2 mínútum á undan næst manni í mark.  Þetta var í annað skiptið sem Birkir hlýtur Sigfúsarbikarinn en það var árið 2008 sem hann var fyrstur í mark þegar startað var við Víðivelli í Staðardal og gengið þaðan með veginum til Hólmavíkur þar sem markið var við Félagsheimilið á Hólmavík.

19.03.2014 11:26

Leiðrétt úrslit

Úrslitin í 1 km göngunni hafa verið leiðrétt, en það vantaði tíma Jórunnar Ingu Sigurgeirsdóttur SFÍ sem gekk 1 km á tímanum 9:34 mínútur.  Við biðjumst afsökunar á mistökunum.

15.03.2014 22:45

Úrslit Strandagöngunnar 2014

Úrslitin úr Strandagöngunni 2014 eru komin á vefinn undir liðnum úrslit 2014.  Þau mistök urðu hjá okkur í verðlaunaafhendingunni að í flokki karla 50-59 ára í 20 km vegalengdinni víxluðust tímar Viðars Más Matthíassonar og Árna Ingólfssonar, við biðjumst velvirðingar á mistökunum.

14.03.2014 13:34

Strandagangan á morgun

20. Strandagangan verður haldin á morgun laugardaginn 15. mars, start í 1 km vegalengdina er kl. 12.30 og í 5, 10 og 20 km kl. 13.  Veðurspáin gerir ráð fyrir dálítilli snjókomu fyrir hádegi á morgun en eftir hádegi á úrkoman að minnka og hlýna og snúast í suðvestanátt sem er yfirleitt hæg í Selárdal.   Brautin verður troðin í dag eftir kl. 15 og er stefnt á að troða hana aftur á morgun rétt fyrir start.

 

Við minnum á:

Skráningar skal senda á netfangið allaoskars@gmail.com

Einnig hægt að skrá sig á staðnum en skráningu lýkur kl. 12

Start í 1 km kl. 12.30

Start í 5, 10 og 20 km kl. 13

Muna að skrá sveitir í sveitakeppnina í 5, 10 og 20 km vegalengdunum

Eftir göngu er hægt að fara í sturtur og heita potta í íþróttamiðstöðinni á Hólmavík.

Fyrirlestur hjá Sævari Birgissyni í Félagsheimilinu á Hólmavík kl. 15.40

Kaffihlaðborð og verðlaunaafhending hefst að fyrirlestri loknum, í fyrsta lagi kl. 16

Númerum skal skilað við innganginn í Félagsheimilið og gilda þau sem aðgöngumiði að kaffihlaðborðinu, frítt fyrir starfsmenn aðrir greiða 1.000 kr. á kaffihlaðborðið.

13.03.2014 13:22

Undirbúningsfundur fyrir Strandagönguna

Í kvöld fimmtudaginn 13. mars kl. 20 verður haldinn undirbúningsfundur fyrir Strandagönguna.  Fundurinn verður heima hjá Rósmundi Númasyni formanni Skíðafélags Strandamanna Víkurtúni 10 Hólmavík.  Allir þeir sem hafa áhuga á að vinna að undirbúningi göngunnar velkomnir.

13.03.2014 08:29

Sævar Birgisson með fyrirlestur

Sævar Birgisson ólympíufari verður meðal þátttakenda í Strandagöngunni 2014.  Sævar er nýlega kominn frá Ólympíuleikunum í Sotsí í Rússlandi þar sem hann var fyrsti Íslendingurinn í tuttugu ár til að taka þátt í Skíðagöngu á Ólympíuleikum.  Eftir gönguna verður Sævar með stuttan fyrirlestur í Félagsheimilinu á Hólmavík þar sem hann mun segja frá þátttöku sinni á Ólympíuleikunum og hann mun einnig tala um markmiðssetningu og leiðir til að ná markmiðum sínum.  Fyrirlesturinn hefst kl. 15.40.

12.03.2014 13:28

Kort af brautinni

Hér er kort af brautinni sem gengin verður í Strandagöngunni á laugardaginn.  Athugið að vegalengdir eru í mílum en ekki kílómetrum og hæðartölur í fetum.

12.03.2014 13:27

Kort af brautinni

Hér er kort af brautinni sem gengjn verður í Strandagöngunni á laugardaginn.

12.03.2014 13:05

Skíðaleikjahátíð

Sunnudaginn 16. mars kl. 10-12 verður haldin Skíðaleikjahátíð í Selárdal.  Þá verður keppni lögð til hliðar og farið í skemmtilegustu skíðaleikina t.d. stórfiskaleik, hákarlaleik og leigubílaleikinn auk þess sem gerðar verða hólabrautir og þrautabrautir niður brekkur.  Ef þátttaka verður góð verður skipt í hópa eftir aldri.  Eftir skíðaleikjahátíðina eða kl. 12.30 býður þátttakenda pizzahlaðborð á Café Riis á Hólmavík fyrir 1.200 kr.  Skráningar á skíðaleikjahátíðina skal senda á netfangið allaoskars@gmail.com í síðasta lagi á föstudagskvöldið 14. mars.

12.03.2014 10:36

Gisting

  Helstu gististaðir í nágrenni Selárdals eru:

Hótel Laugarhóll Bjarnarfirði 510 Hólmavík sími: 4513380

Gistiheimilið Malarhorn Grundargötu 17 520 Drangsnes sími: 4513238

Gistiþjónusta Sunnu Drangsnesi sími: 8461640 sunna@drangsnes.is

Finna Hótel Borgabraut 4 510 Hólmavík sími: 4513136

Steinhúsið Höfðaötu 1 510 Hólmavík sími: 8651911 steinhusid@simnet.is

Ferðaþjónustan Kirkjubóli 510 Hólmavík sími: 4513474 kirkjubol@strandir.is

Broddanes hostel Broddanesi 510 Hólmavík sími: 6181830

11.03.2014 16:31

Troðin braut í Selárdal

Í dag þriðjudaginn 11. mars var búið að troða 10 km Strandagönguhringinn um kl. 16, allir á skíði.

11.03.2014 10:11

Hversu margar Strandagöngur hefur þú gengið

Í tilefni þess að Strandagangan verður gengin í 20. skipti næstkomandi laugardag fá þeir sem lokið hafa 10 eða 20 göngum sérstakar viðurkenningar sem afhentar verða á kaffihlaðborðinu og verðlaunaafhendingunni á laugardaginn kl. 16.

 

Veðurspáin fyrir gönguna er góð en norska spáin gerir ráð fyrir logni, 2 gráðu frosti og 1,6 mm úrkomu milli kl. 12 og 6 á laugardaginn.

 

Aðstæður til skíðaiðkunar hafa verið góðar í Selárdal undanfarna daga og nægur snjór.  Síðastliðinn fimmtudag vorum við með skíðaæfingu með öskudagsþema þar sem flestir mættu í öskudagsbúningunum.  Á föstudaginn var vinaæfing þar sem hægt var að bjóða vini eða vinkonu með á æfinguna.  Á laugardaginn var Skíðafélagsmót með hefðbundinni aðferð í góðu veðri.  Og seinnipartinn á sunnudaginn var löng skíðaæfing sem endaði á skemmtilegum leikjum.

09.03.2014 13:07

Brautin í Strandagöngunni

Allt stefnir í góða Strandagöngu næstkomandi laugardag, nægur snjór er í dalnum og góðar aðstæður.  Í 10 og 20 km vegalengdunum verður genginn 10 km hringur sem verður mjög svipaður og var í göngunni í fyrra, en þá var gengið fram að Gilsstöðum.   Í dag sunnudaginn 9. mars verður troðin braut í Selárdal tilbúin um kl. 16.  Skráning í Strandagönguna fer vel af stað en skráningarnar skal senda á netfangið allaoskars@gmail.com

08.03.2014 21:24

Skráning

Skráningar skal senda í tölvupósti til Aðalbjargar Óskarsdóttur ritara Skíðafélags Strandamanna á netfangið allaoskars@gmail.com upplýsingar sem þurfa að vera í skráningunni eru:

Nafn keppanda

Hérað

Fæðingarár

Vegalengd

Gsm-símanúmer

 

Einnig skal senda með skráningar í sveitakeppnina fyrir þá sem vilja vera með í henni og taka fram hvort þið ætlið að vera með í Skíðaleikjahátíðinni á sunnudeginum.

 

Þátttökugjald:

16 ára og eldri allar vegalengdir 3.500 kr

15 ára og yngri 1.000 kr

Flettingar í dag: 33
Gestir í dag: 6
Flettingar í gær: 34
Gestir í gær: 10
Samtals flettingar: 71618
Samtals gestir: 19310
Tölur uppfærðar: 24.1.2019 06:32:28