24. Strandagangan var haldin í dag 10. mars í Selárdal, úrslitin úr göngunni er að finna á timataka.net.  Alls voru ræstir þátttakendur í göngunni 91 og þar af luku 89 keppni.   þessi ganga er því næst fjölmennasta gangan í 24 ára sögu Strandagöngunnar aðeins gangan árið 1997 var fjölmennari með 111 ræsta þátttakendur og 109 sem luku keppni.  Veðrið hefði mátt vera betra í dag þar sem töluvert skóf í brautina á köflum, en hiti var um frostmark skýjað og ANA vindur.  Í ár var í fyrsta skipti í sögu Strandagöngunnar afhentur farandbikar fyrir fyrstu konu í mark í 20 km vegalengd en fyrst til að varðveita þann bikar er Guðný Katrín Kristinsdóttir úr Skíðagöngufélaginu Ulli.  Í 20 km í karlaflokki var fyrsti maður í mark Einar Kristjánsson einnig úr Skíðagöngufélaginu Ulli og fékk hann til varðveislu næsta árið Sigfúsarbikarinn. 

Skíðafélag Strandamanna þakkar öllum þátttakendum í Strandagöngunni 2018 kærlega fyrir þátttökuna og starfsmenn göngunnar fá kærar þakkir fyrir vel unnin störf.  Það var einnig gaman að sjá hve margir áhorfendur mættu í Selárdalinn til að fylgjast með og hvetja keppendur.  Myndir úr Strandagöngunni eru m.a. á vefsíðunum holmavik.123.is  og mundipals.123.is   ljósmyndararnir Jón Halldórsson og Sveinn Ingimundur Pálsson fá kærar þakkir fyrir myndirnar en þeir félagar hafa í mörg ár fylgt okkur í Strandagöngunni og að þessu sinni einnig með dróna.  Við sjáumst svo í  25. Strandagöngunni árið 2019. 

Nú styttist í Strandagönguna og skráning gengur vel.  Við minnum á að skráningargjaldið hækkar föstudaginn 9. mars en skráning fer fram á netskraning.is  Spáin fyrir laugardaginn er góð í Selárdal en yr.no spáir ANA 4 m/s, -4°c frost, úrkomulaust og sólskin með köflum.  Genginn verður auðveldur 5 km hringur, í brautinni er að mestu leyti nýr snjór og því gæti t.d. blár extra baukur verið málið sem festuáburður í Strandagöngunni en hann virkaði mjög vel hjá okkur á skíðaæfingu í dag.

Dagskrá Strandagöngunnar 2018

Laugardagur 10. mars:

kl. 10 Afhending á númerum og flögum hefst

kl. 11 Skráningu lýkur

kl. 11.30 start í 1 km vegalengd

kl. 12 start í 5, 10 og 20 km vegalengdum

eftir kl. 14 sturtur og heitir pottar í íþróttamiðstöðinni á Hólmavík

kl. 15.30 kaffihlaðborð og verðlaunaafhending í Félagsheimilinu á Hólmavík

   Helstu gististaðir í nágrenni Selárdals eru:

Hótel Laugarhóll Bjarnarfirði 510 Hólmavík sími: 6985133

Gistiheimilið Malarhorn Grundargötu 17 520 Drangsnes sími: 8536520

Gistiþjónusta Sunnu Drangsnesi sími: 8461640 sunna@drangsnes.is

Iceland Visit Hostel Hafnarbraut 25,Hólmavík sími: 8606670

Finna Hótel Borgabraut 4 510 Hólmavík sími: 8561911

Steinhúsið Höfðaötu 1 510 Hólmavík sími: 8561911 steinhusid@simnet.is

Ferðaþjónustan Kirkjubóli 510 Hólmavík sími: 4513474 kirkjubol@strandir.is

Broddanes hostel Broddanesi 510 Hólmavík sími: 6181830

Gististaðir í Reykhólasveit:

Álftaland Reykhólum sími: 8927558/8632363

Hellisbraut 14 Reykhólum sími: 8937787

Miðjanes sími: 6903825

Hótel Bjarkalundur sími: 4347762

Við minnum á að skráningargjaldið í Strandagönguna hækkar 9. mars og því um að gera að skrá sig sem fyrst.  Skráning í Strandagönguna 2018 fer fram á netskráning.is

Skráningargjald til 9. mars

20 km 5.000 kr

10 km 4.000 kr

5 km 3.000 kr

15 ára og yngri 1.000 kr

Skráningargjald 9.-10. mars

20 km 8.000 kr

10 km 6.000 kr

5 km 4.000 kr

15 ára og yngri 3.000 kr